Esquina do Tempo

Foto Arquivo Histórico Nacional (IAHN), Praia

Já m’ fui mnine d’ nha luta

e  d’ nha caláca;

d’ nha bisca e d’ nha batota 

na CORÊ ô na CRACA 

Já m’ andá ta vendê;

tâ catá; 

tâ juntá páia; 

tâ rocegá carvôm;

tâ frá da lí ma da lá;

tâ dormi n’ arêa,

traz dum cambota

ô na pedra de tchôm.

Já m’ andá embarcóde

d’ foguêr;

d’ crióde;

d’ cuznhêr; 

bem bstide, bem calçode,

t’ oiá munde, tâ juntá dnhêr…

E já m’ bâ e já m’ bem;

já m’ torná bá e torná bem;

e alí’ m lí, de pê na tchôm,

sem um vintém, sem um tstôm,

tâ crê torná bá…

ma pa torná bem...

– Sérgio Frusoni

in A Poética de Sérgio Frusoni, Uma Leitura Antropológica

Foto gentilmente cedida pelo filho Fernando Frusoni

Sérgio Bonucci Frusoni

(S. Vicente, 10 de Agosto de 1901 – 25 de Maio de 1975)